Bina
Aisa logon ko pata tha ki Trilokpuri ki taraf ja rahe hain, Khichripur ja rahe hain, yeh sunte the. Ki yeh jhuggi kabhi bhi tut sakti hai, yeh logon ko pata tha. Nahin, humne uske beech koi saval nahin pucha—bas yeh hai, jhuggiyan tutengi, yeh plot milenge, vahan rehenge. Yeh tha dimaag mein. Humne yeh suna tha ki vahan—Yamuna ke paas—ke logon ki paani baadh aata tha. Aur hum yeh sochte the ki agar voh humein Trilokpuri, Khichripur, yahan ki taraf agar bheja Yamuna Park, to hum nahin jaaenge, voh dar tha, shru se yeh dar tha.
Itni garmi thi, aur dar rahe hain, ro rahe hain hum. Kahaan jaaenge, kaisa hoga, kaise khaana pakaenge, aadivasi ki tarah lag humein rahe the. Kisi ka ghar tootne to rona hi aaega, jis mein insaan reh raha hai. Lekin khushi ye thi ki ab humein yeh pata hai ki yeh tootegi nahin. Ab apni milegi, ab pakka hai, aur Khichripur nahin gayi, yeh khushi thi.
Pushpa
Na, kisi nahin bataya ki humein yahan aana hai. Pehele vahan rehte the, Chanakyapuri, vahan jitne videshi aate the, teen murti ka, jo bhi mantri nikalta tha, voh sab vahan aate the. To is taim mein ek bahar videsh ka mantri aaya, aur usne Indira Gandhi ko fon pey bola, yahan se chala gaya vahan se bola, ki main yahan aaya, aur aapke desh mein gareebi bahut hai. Garibi itni chhaayi hui hai charon taraf mein! Unko Chanakyapuri ki jhuggiyon ki nazar aaye. To usne Indira se kaha ki yahan to gareebi to hata do, ya garibon ko kuch bana do. To khet katke iske zameen ka paise de diye usne, kyaunki yahan pey muttongirivalon ne zameen ka kabza kar rahe the.
[translated] When DDA came to Bapu Dam, they told us we had to clear the entire community, including the dogs. So I brought the dogs to Dakshinpuri, even though I didn't want to. It was dark when the truck came, so I left some in Bapu Dam, because DDA couldn't see them. On the way I adopted a blackish piglet, I had no idea whose it was, but it had dirt in its mouth and looked so helpless. Now it's big and strong. When we came to Dakshinpuri the dogs didn't like it at all, they were up to their knees in mud, and they barked and barked. At night they became to cry, and people asked me "Are! Yeh kya bavaal hai!"
Sunita
Aisa bola tha, tumhaari to jagah milegi, udhar, Dakshinpuri mein, aur sab jhuggi khali karna, unhone sab bola bhi tha par koi log nahin mane. Sabke makhan tod-todke saamaan truckon mein bhar bharke aur yahan parchi de diye, truck bhar bhar ke yahan chor diye sab, sabne apna apna tora tora jhuggi bana bana sab baithe the, na pani na sadan tha, charon kone mein parmi lage rakhe the.
Parchi yahi lake deti thi, jaise truck se samaan utarte the, vaise parchi bante rahe, jahan tumhein accha lagta, us plot mein baith jao.
Vahan bahut acchi jagah thi, bara dukh hua yahan aane mein. Sare rat ro raha, voh usse milkar ro raha, voh usse milkar ro raha, sari raat baithe, subah aakar, sare truck bhar bharke chale gye, bahut ro rahe the. Vahan bahut pyar prem tha, vahan ekta tha, ek ko dukh sukh ko dekhte the, yahan to bahut bura hal tha. Vahan bhi government jagah thi, humein bhi chodna pada.
Javed
Jab hum aaye the, us taim mein gujjar log teen baje doodh dene aaye the. To teen baje chaandni raat hote the, voh kehte the doodh le lo, le lo doodh! Pachaas paise pachees paise doodh hota tha. unhone paani ke andar aata phenk diya tha, safed nazar aa gaya, chaandni raat mein safed nazar aa raha hai. subah jab chai banane lagte the doodh ki jagah aata hota tha.
Sanjeev
Jab hum aaye the, hum dilli se bahaar the, dille se 25 kilometer dur the. Is taim mein dilli india gate tha, aur kuch nahin. Yeh muttongiri ke kisanon ke khet the. Un kheton se unko zameen de diya, aur gareeb logon ko plat katkar aur aapko batate the ki tum yahan baith jaao, tum vahan baith jao. Aur chaar inth rakhkar nishaan bana diye ki voh itne jagah hai aapki, das foot chaudaai bees foot lambaayi. Is taim to koi accha khas mahaul nahin tha, sara jangl hi jangl tha, koi divar nahin koi makhaan nahin kuch nahin tha. Bahut baarish hui thi, naale mein baad aayi thi, parchi baarish mein kho gayi thi.
Lekin is taim dar nahin tha. Kya karein dar ke? Dar ka kyaa? Puri colony itni hai, takriban aath, nau lakh ki aabaadi thi. jahaan pey itni aabadi hai, dar kis cheez ka? Pehele dar nahin tha, ab dar hai.
Malkhan
Peheli raat mein, sab alag alag chula jalaya. Mujhe aisa lag raha tha ki log ganga snaan karne ke liye jate the, nahaane ke liye jate, aisa mujhe lag raha tha, chaaron taraf log the.
Yeh colony humein Indira Gandhi ne di thi, unhone humein plot di, jismein likha hua, 100 saalon ke liye. Indira ne kaha, voh gareeb aadmi jhuggiyon mein kab tak rehenge, aur unke bal-bacche kaise par lenge? Unhone Dakshinpuri basaaya. Jab humein parchi mili, sarkar ne humse teen photos khinchvaya. Unke paas ek hai aur mere paas ek hai, aur ek parchi ka photo unke paas hai. Jab sarkar house tax lene aaye the, unhone mera parchi dekha, aur dekha ki uska photo aur mera photo milai, phir unhone pata chala, ki yeh mera plot hai. Aadmi ka chehre se unko pata chalta ki kis plot kiska hai. Humare pura record unke paas hai. Unke paas proof hai, aur mere paas proof hai.
No comments:
Post a Comment